RNPO President kathan kadalou kan the; Rongmei apex body nun ta dissolved sukan the

1 Star2 Stars3 Stars4 Stars5 Stars (4 votes, average: 3.75 out of 5)
Loading...

Tamenglong, Sept. 25: Rongmei Naga People’s Organisation (RNPO) tuang Central Executive Committee Meeting cum Special General Assembly- 2020 asei bam kanmei ruina Amu Kamei ta RNPO tuang President khang kadalou dat kan the.

Amu Kamei hei Zeliangrong Union tuang President ni phunglou kanmei e.

Asei tuang Special Assembly tei rui Assam, Manipur khatni Nagaland tuang Rongmei Naga Youth Organisation (RNYO), Rongmei Naga Students’ Organisation (RNSO) khatni Rongmei Luh Phuam (RLP) ta dissolve sulou kan the.

Kumma youth, student khatni Luh phuam nun hei State tuang Rongmei Council bang khou bam dat khang latding lalou kan e. Kumma chabuan, luh khatni student nun ruina RNPO khou represent suna secretary phung khang ni dinglou kan e.

Manipur khou Rongmei phuam dailiangmei hei Rongmei Naga Council Manipur (RNCM) e. RNCM bang khou hei Rongmei Naga Youth Organisation Manipur (RNYOM), Rongmei Naga Students’ Organisation Manipur (RNSOM) khatni Rongmei Naga Luh Phuam ruina taan su bam khang dinglou kan the.

Assam, Manipur khatni Nagaland state kathum tuang baimei phuam nai dat mak khang ni dinglou kan e.

Tarung khou naimei RNBA tuang Conference Hall khou asei tatkei kanmei Special General Assembly khou tei General Secretary khang Achong Gangmei, Finance Secretary rui Kasangai Gangmei khatni Assembly Speaker khang Kadongai Panmei ta kadalou kan e.

Noney DC le Tamenglong TO kalai kan the

DihCham News Service
Tamenglong, Sept. 25: Manipur tuang district nun khou posting bammei IAS, MCS khatni MFS office rnun tuang taanbam ti kalailou geih kan the. Posting kalaimei cham asei jingbang rui tipat kanmei pangh khou tei Longmai (Noney) tuang Deputy Commissioner Hungyo Worshang, IAS ta Additional Secretary khang tipat dat kan e.

Tamenglong Treasury Officer (TO) Chingkhiulung Rianmei, MFS ta Jiribam TO khang titat dat kan e. Amos Gaithaorai Kamei, MFS rui Tamenglong TO su dat puni e, kumma Robert Singh Kshetrimayum, IAS ruina Noney tuang DC sudat puni the. Mbuna, IPS khatni MPS officer nun tuang taanbam kalaimei asek nun jan ni tipat kan e. Mi pangh khou teiKhongjaron khou bammei 5th MR tuang Commanding Officer Md Jackiruddin, MPS ta ni 6th MR CO i/c tilou dat kan e