‘World Water Day’ Conference Hall Mini Secretariat Tamenglong khou tatkey kan the

1 Star2 Stars3 Stars4 Stars5 Stars (1 votes, average: 5.00 out of 5)
Loading...

Gaanphiu News Network

Tamenglong, March 22: Mini Secretariat, Tamenglong tuang Conference Hall khou World Water Day District A d m i n i s t r a t i o n Tamenglong, District Water Sanitation Committee (DWSC) khatni PHED Tamenglong division rui laengvna nthanm ei dui piumei hei aniu pumc khang kage nai liang e twmei lam khou tatkey kan the.

World Water Day mung khou tei District Water Sanitation Committee (DWSC), Tamenglong tuang ward nunc tuang Chairmen khatni Secretaries kazauhna ‘Jal Shakti Abhiyan: Catch the Rain’ campaign Prime Minister Narendra Modi rui saamei video conference khou rui nking nchamh lou geic kan e.

Video conference khou tei rui Uttar Pradesh khatni Madhya Pradesh govts rui memorandum of agreement, Ken-Betwa Link Project kahouh nimei Jal Shakti ministry lam zauc ncham lou muay kan e.

Mituang Ken-Betwa Link Project hei dui gaymei bamv khou rui dui simei bam khou zay guangna tii nimei project akhatre. Mituang mung khou tei NLCPR project khou beneficiaries enrolled swna district headquarter khou dui tii nimei project kahouh kan e kumna Tamenglong district headquarter khou solid waste management project nic aseih world water day mung khou rui kahouh kan the.

District Water Sanitation Committee (DWSC), tuang chairman Armstrong Pame, DC Tamenglong khatni guang loumei member guay rui dui source ta sw kasih mak khang khatni ngaeklou khang latdyng laa kan e.

Kandih kapum khou ntaw hei mansei 2.2 billion mbu rui dui nthanmei piu tow makna bam e. Kumna aseih World Water Day tatkey kanmei tei kandih khou dui tuang kunghmei khou rui duak khang tamhmei lev kazauhna tatkey kan tuang e.