Tamenglong khou National Safe Motherhood Day tatkey kan the

1 Star2 Stars3 Stars4 Stars5 Stars (No Ratings Yet)
Loading...

Gaanphiu News Network

Tamenglong, April 13: District Health Society, Tamenglong rui namv 4 khou National Safe Motherhood Day mung tatkeyna Health Camp laengvlou kan the.

Mi tei 10 April nungc rui kahouhna 11th April nungc nganvlou kan tuang e. Mi tuang Health Camp tei Azuram, Charamram, Impa Kang khatni Impa Ningdi khou tatkey kan e, mi khou tei Head Quarter tat tangcna ravzauh ngam mak bammei nunc ta nsana ravzauhlouna nsa khang puc ni tiilou kan e.

Kumna mi tuang Health Camp Azuram khou tatkey kan khou tei nnaumei 16 ta zauclou kan e, kumna COVID-19 pu kaepmei taanv tatkey bammei lam khou ni ndauhlou kan e. Mi khou tei Azuram PHC kasiamh thau khang kabamv ni zauclou kan e.

Charamram khou rui 20 ta ravzauhlouna kan e, mi khou tei nnaumei nunc tat tangcna zauclou kan e. Mi mung tatkey kan khou tei UDID registration khatni PMMVY enrolment swmei taanv tatkey kan e.

Impa Nkang khou tatkey kan khou tei 44 ta ravzauhlou kan e, mi khou tei COVID-19 pu kaep bammei lam dinclouna PMMVY Enrollment swmei taanv tatkeylou kan e.

Makuai tuang PHSC zauclou kan e. Impa Ningdi khou tatkey kan khou tei 155 ta ravzauhlou kan e, mi khou tei COVID-19 pu kaepmei taanv tatkey bammei lam ni raclou khatni kadai swna ntumei nunc rui tuzangv nimei puatchei nunc lam ndauhlouna kapumh nrit bammei meicpui nunc khang yoga nchamlou kan e. Mi khou tei PMMVY Enroll swmei taanv ni tatkey kan e.

Mi mung tei ICDS, Social Department lev kariuna tatkey kan e, mi khou tei namv gaengzaengv khou bammei Charinapang, Aben, Longchai, Makuai khou rui ni guang kazauhlou kan e.