AR rui Culinary Exchange Event mung laengvlou kan the

1 Star2 Stars3 Stars4 Stars5 Stars (No Ratings Yet)
Loading...

Gaanphiu News Network

Tamenglong, March 10: 22 Sector AR/IGAR (E) bangc khou 44 Assam Rifles rui Head Quarter khatni Out Post nunc khou culinary exchange Program laengvlou kan the.

Mi tuang Food Festival laengvlou kanmei tei India khou naimei State baih-baih thangc tuzangv bammei taek-tw lam ni mansei nunc khou tiithaylou khang rui laengvlou kan tuang e kumna 44 AR Battalion HQ khatni Azuiram, Dikhuram lev Gelnel khou naimei Outpost khou mi mung laengvlou kan khou tei mansei 400 dou rui guang kazauhlou kan e.

Tamenglong HQ khou mi mung tatkey kan khou tei pupouh ganv khou tuang lulaem ni lyanlou kan e. Kumna Commandant tei rui Ek Bharat Shrestha Bharat Program mung bangc khou India khou zaat geicna nai sihni akhatna swna lungc bammei lam raclou kan e.

Ek Bharat Shreshtha Bharat programme hei India khou mansei zaat geicna nai bam sihni akhatna swna lungchamhna lungc bam khang rui laengvlou tuang e. Mi mung khou hei khat-khat tuang lunghlwan, chapriak khatni lat ta thay kary khatni tiidaic karymei taanv sin bammei mung e.