13th November mav khou Alang pumc kasiamhlou dat puni the

1 Star2 Stars3 Stars4 Stars5 Stars (No Ratings Yet)
Loading...

Gaanphiu News Network
Noney, Nov 6: Inner P a r l i a m e n t a r y Constituency tuang Lok Sabha MP, Dr.R.K Ranjan rui Taubam khou Alang pum c bau bammei ta guangna zauc tangclou kan the.

Mi khou tei ntaw NH-37 tuang lwnlung ta pian makmei ndauhna Alang pumc hei katumcna taanclou dat khang MP tei rui NHIDCL Executive Director (Project) Colonel Rajeev Sood ta saa kan e kumna kabamv geicsih khou nullah lev culvert gayna taanclou makmei khatni chaeng khou khunh naimei ta ariw kan e.

Aseih guang zauclou kan khou tei Lanjaigai Kamei, President, BJP ST Morcha, Manipur Pradesh lev Stody Dangmei, Vice – Pr esident, BJP ST Morcha, Manipur Pradesh ni kazauhlou kan e.

MP rui Alang zauc tat makmei mav khou tei Noney IB Bungalow khou NHIDCL tuang kapy nunc ta pary raclou kan e mi khou tei NH-37 taheic kathaek kauhmei Highway tiiswlou khang saa kan e.

Kumna Mi n i s t e r o f R o a d Transport & Highway khou tiithaylou khang n i N H I D C L k h o u kadylou kan e. Col. Rajeev Sood ,Executive Director(P) theilayna mi pumc hei November 13th mav khou kasiamhlou dat puni the twna ni saa kan e.

Tengnoupal daeng khou naimei pumc tei ra keyna Alang pumc bau bammei bamv khou phungc guang kahouh bam the twna ni ndauhlou kan e. Tender hei tiiku liang 4 lou kan e tiki Ministry of Road Transports & Highway rui khat sihni nuhlou mak ge twna ni saa kan e.

Tamenglong Distrct kabamv 3 khou Containment lou dat kan e

Gaanphiu News Network
Tamenglong, Nov 6: Tamenglong District Magistrate Office khou rui tiipatmei chamv theilayna aseih Tamenglong kabamv azuh khou COVID-19 naimei 28 mphang dat kan e. Mi khou tei District khou naimei kabamv 3 ta Containment Zone the twna kaucpatlou kan e.

C o n t a i nm e n t l o u kanmei tei COVID-19 n a e n g v p a t m e i t a khaemlou khang rui e twna Containment Order tei rui saa e. Containment Zone the twna k aucpatlou kanmei Office ramh ethei kai bamv nunc tei 1. 5th MR tuang Family Line kapwm, 2. Ningchuiliu Kamei, Chaengdai, 3. RK Jaojianpou, Merrylane hei e. Mi bamv nunc khou tat kalwmei ta thingclou kan the, khatni mansei kaduaimei taanv kaguayna thingclouna COVID-19 Case ta zaucsinhmei taanv hei nthuihna tatkey puni e twna saa e.

Kum na t how kumhmei mi tuang Order ta twanmei taheic IPC 1860 tuang Section 188 bangc khou riaplou nuhmei khuay naimei lev karith nchamhna laa puni e twna Order tei rui saa kan e. Kumna mi lam khou SDM/EM Tamenglong, Mahesh Hiralal Chaudhari rui Executive Magistrate swna zaucsin khang ni saa kan e.