Biren tuang Government tingkum padei tangh the

1 Star2 Stars3 Stars4 Stars5 Stars (No Ratings Yet)
Loading...

DihCham News Service

Tamenglong March 10: N. Biren Singh, Manipur tuang Chief Minister rui Government phung guangmei tingkum padei tangh kan the.

Tingkum padei tangmei ngai hei guangnimei 15 March nung state kaidai Imphal khatni district guai khou tatkei puni tuna sa e.

Mi mung le kariang naimei suna asei Tamenglong kaidai khou Deputy Commissioner, Armstrong Pame rui jaina town su nthan thingmei taan tatkeilou kan the.

Mi tei Public Health Engineer Department rui lenglou kan tuang e. Mi Cleanliness drive mung khou tei state government rui sakeimei theilaina District Level Officer guai tuang attendant ni lakan e.

Nthuan kiu rui Forest Dept rui jaina thingbuan lingmei taanduan ni tatkei dat puni e tuna sa e

 

 

Bank guaina March 15 le 16 nung mbang puni

Imphal, Mar. 10: India kapum khou bank employee nun ruina strike tatkei nimei ta machuangmei suna Manipur kapum khou ni guangnimei 15 le 16 March nung kiu bank mbang ngam puni e tuna United Forum of Bank Unions (UFBU) Manipur state ruina sapat kan the.

India khou naimei public sector bank kanei ta private tin guan dat puni the tuna aseiluan Budget Session khou Union Finance Minister Nirmala Sitharaman ruina sakanmei latbam tatei nuni makmei ndaona India kapum tuang bank union rui bandh kaohpatlou kan tuang e.

Aseidou government ruina jaosin bammei bank kanei tihei private tin guan dat kan ethei maanh nimei tho public nun khang de, kalam thu bank tuang lam guaina hei private ruina sin dat kan ni di the tuna sakan e.

Nirmala ruina sa bammei latbam hei taan suna taan pat jai puni na bammei jeng rui protest hei tatkei ni tuang e tuna ni sakan e