Chaga Ngee 2022 pisikhai bo
State level gu thiu jiu thaikum Chaga Ngee hai Makuilongdi ga changee nejiu bam e, panam nam gu thiu jiu formal program hai kamdulo tiubo Chaga Ngee gu committee khatdi LNC lamsu dinbo bam mijeng niu kam makboi akiluang ga kabam mai soukum mai maligu thiu jiudi tad kasui hinara tadkhai ra kam khe, nkiu jiu anam gu thiu jiu di leaders mai tad kasui hinara tadra kam sune, anam gu program thiu jiu kam makbam di Liangmai Senior Citizen Forum niu pating mik nai soukum mai tad tang lakmai wang aruang lujiu kakheng thiu bo padam lune tiu jiu rangkhai bambo jeng niu achun wide, siniu akiluang ga kabam mai kating kanadi wangjiu padam lukhai macham ra sikhai e, chasak leng aliu anam lamsudi pikhai ra kam ne.
Adin Abonmai
Chairman, VA Namraining
Pisikhaibo – Katingmai 60 nrilam
Chagaa naimikpui nai Tamei ga katingmai tingkum 60 rilam Villages Elders, Service retirement, Religion retirement, Secular Organisation prominent leaders R.Tale memorial Bazar sheet ga Tamei(Namraining) ga ntao aruangne. Ntao aruangbo ga Liangmai Senior citizens forum, Organizer dungniu chasak wibo phungpad khaine. Khadi makhiam mak kasabo makhiam chamra bamme. Siniu pariga dinkhai mibo tingkum 60 rilam bam maihina wang khai sikhaiye.
By: Ch Dithinbou Guangta
Convenor
Liangmai Senior Citizens forum
Tamei, Namraining Manipur
