Gaanphiu News Network

Noney, Feb 25: Noney District khou Chief Minister -gi Hakshelgi Tengbang (CMHT) tuang District Level Special Launching Progm khatni Pradhan Mantri Jan Arogya Yojana ( PMJAY) Enrolment Drive tatkey kan the.

Mi tei Directorate of Health Services ,Govt of Manipur rui State Health Agency Manipur & People’s Progressive Council ( PPC) lev kariuna tatkey kan tuang e. Mi mung tei L P. School, Rengpang Village, Nungba SubDivision, Noney District khou tatkey kan e.

Mi mung khou tei Dr. K. Rajo Singh, Director, Health Services, Govt of Manipur rui Chief Guest khatni Gaidon Kamei, Special Invitee, BJP State Executive Committe, Manipur Pradesh rui Guest of honour swlou kan e.

Mi khou tei Dr. Prabin Arambam, Dy . Director of Health Services, A.Joyshankar Singh, Project Head, ISA, CMHT, Dr.Edwin Golmei, CMO, Noney lev baihmei Medical Doctor nunc ni kazauhlou kan e.

Aseih tatkey kanmei mung bangc khou nnau bammei nunc ta nsa khang ravzauhlouna nsana puc raengc ni tiilou kan e. Mi khou tei CMHT bangc khou State rui Dk 51 crore dou gaengmei mphang the kumna PM-JAY bangc khou rui Dk 43 crore mphang tangc the twna Dr. K. Rajo rui ndauhlou kan e.

Mi khou tei Guest of Honour, Gaidon Kamei rui ni Government ta thuanckulouna mansei nunc rui CMHT & PM-JAY tuang gaengmei mphang nuh khang Enrolment Drive hei kailuang-kailuang khatni kailaek sing tatkey puni e twna ndauhlou kan e.

Gaidon tei rui mi Health Scheme nunc khou rui gaengmei laa khang ni zaenghuay kan e. Mi mung khou tei Buanruangh ,Taudaizaeng village tuang peidai Chairman khou T- Shirts School uniforms (80) tiilou k an e.

Kumna Kam biron Nungba,Reangpang ,Thingou ,Tauk ok long ,Khongs hang lev Nathan khou CMHT Card pang ni tiipat kan e. Aseih tatkey kanmei Drive khou mansei 260 dou ta kaniw zan enrol swlou kan e kumna nthuan kiu Satudai,Khoupum ,Thangal lev Noney khou mi tuang drive tatkey puni e twna saa e.

 

 

Tamenglong-Tousem chaeng ta NH-137

tiiswlou khang GoI rui kwmlou kan the

Gaanphiu News Network

Tamenglong, Feb 25: Ministry of Road Transport & Highways, Government of India rui TamenglongTousem chaeng ta NH137 tiiswlou khang kwmlou kan the.

Tat kanmei 4th April 2011 nungc Government of India rui tiipat kanmei notice Extraordinary, Part II, Section 3, Sub Section (ii) vide number S.O. 689(E) khou tei National Highways Act, 1956 (48 of 1956) khou naimei Section 2 tuang SubSection 2 theilayna Central Government rui kasaek kasiamh kalaic kan the.

Kasiamh kalaic kanmei tei Schedule khou naimei Sl no. 129A khou naimei nunc tei (1) (2) (3) twna lou khang kasiamhlou kan e. National Highways Act, 1956 (48 of 1956) lev Schedule tei 4th April, 1957 nungc Gazette of India rui tiipat kan tuang e, mi tei 4th April 2011 nungc notification number S.O.689 (E) rui lyn dat kan tuang e, kumna mi tangv 12th February, 2021 nungc notification no. S.O. 657 (E) rui lyn dat tw kan tuang e.

Saa bammei National Highway hei Rengpang khou rui kahouhmei chaeng hei Manipur khou swna Tamenglong (Tenglong), Namtiram, Azuram ta tat towlou e. Assam khou rui Hangrum, Lisang khou tat towlouna Hewangberam (Mahur) daeng khou nganvlou twna chamv rui saa e.