Naga issue hai law and order makye – NSCN (IM)

1 Star2 Stars3 Stars4 Stars5 Stars (No Ratings Yet)
Loading...

Dimapur, June 27: Maji makbo rangkang khabo/ khombo ga NSCN(IM) suini makbo khatdi aliu Naga mainiu machun bohai law and order lengtu kambam bomakye. Siniu soukum mai Government of India panai kakga alam bammai hai Naga issue tu law and order leng maning khai misai pahai buimak bo, kamji makbo maiye.

NSCN (IM) mainiu dinne, national organization gasu paphom kasia ra ceasefire kabamjengniu wajiukha majimak bo taten tadkiu jadi bamme. Haikumbo phom hai rangkang maksai political jeng mana sang palingbo changam kachang tadkiu bomak ye khatdi aliu Naga National jan tu kam masa raleng ron naye .

Tuhoi tangbo ga India maigu Prime Minister khang charuk (6) tang mine Naga mai khengrang thiura bo lamga npou wang mibo khatdi tuhoi bamboo prime minister Narendra Modi khugasu npui kadibo khatra lepadjiu Framework Agreement di August 3, 2015 kum tadkiu khai mine.

Aliu Nagamai churang/ khenrang thiura npou wangbo ga aliuniu chali-chala kambam maikhu tax lukbambo/ khoibo lam haidi dinwang ye khatdi Government of India simasan jiu bammi boye. Aliu kadiga chali-chala thiumai khu tax kadou jeng mana aliu tuhoi hatiu napou wang tang lubo ye. Haibo tax khoibo gawadi maji makbo, kakham-kanam bo wadi haye. Tiudi maji makbo rangkang khabo, asutbo gara aliu jou makye.