Namtiram Ahu pumc katumhmei lungc khou kasiamh lou khang SSV rui zaenghuay kan the

1 Star2 Stars3 Stars4 Stars5 Stars (1 votes, average: 5.00 out of 5)
Loading...

Gaanphiu News Network

Tamenglong, Dec 3: Namtiram Ahu pumc hei Concerned Authorities nunc rui zaihmei lungc khou kasiamh lou khang Saramba Segment Voice (SSV) rui zaenghuay kan the.

Namtiram khou naimei Ahu pumc hei Tousem Sub-Division khou lungc bammei namv guay khang ringhmei chaeng tiilou bam tuang e twna SSV tuang press release khou tei rui saa kan e. Ningtow lou nuh e twmei thu 16th August 2017 khou tei rui mituang bamv khou naimei bailey bridge tei bau kan tuang e.

Tiki ntaw nganvmei lungc khou kazi naimei nunc rui kasiamh lou dat makna bam dihe. Mihei rui Tousem Sub-Division khou lungc bammei guay ta puidav nac ta kumna ganc lou bam kum the.

Thaylou nuh e tatkanmei June 2020 khou tei ntaw kasic bam m ei pumc (Hanging bridge) hei Forest Minister Awangbou Newmai, ADC Chairman, Namsinrei Panmei khatni District Administration Tamenglong rui teak thingpaek k apaeng thangc rui laguangna kasiamh lou kan tuang e.

Ntaw khumngay ganv khou mituang pumc sicmei rui sisuaimei tii patlou mak khang zaihmei lungc khou kasiamh chuylou dat khang pu o twna concerned authorities khou SSV rui appeal sw kan the.