Chapiu mangiubo (drugs) minbo lamga
Manipur ga jou maksai chapiu tiu mangiubo potdung don jeng niu CM Biren khatdi senior police nai law officials dung ntou maduijiu kaphekbo wan bamme. Siga CM Biren niu tangjiu haibo chapiu mangiubo (drugs) maksai jou hai thinmou mimakra khatdi tajai kamakbo ga jin-ja jiu kammi makra din khai ye.
Haibo zou maksai drugs donjeng mana torch rally hai civil organisations khatdi public mai suini makbo pawan wajiu kha phung len khai mide tiudi haisi tuhoi katangbo state ga leader thiubam mainiu tachun ngutjiu kham lumak jiu kabam bo jengniu thainai gu aruangbo wang makhiam khai miye.
CM niu officer mai pasuk-parid lukbam maitu tanjiu haisi phui mawi ja tacheng-tajai hang ga tadkiu jiu maji-makbo kakam maidung tu minlura khatdi kham mira din khai ye.
Brown sugar, drugs maksai zou hai pabam katam tam lamsu keng jiu minlu ye khat paman niu sai rangkang 3,212 crore international market ga bambo chapot dung di minkhang tang mide tiuye. Chamai thiuja 432 kumbo dungtu di min wang tang mine haibo tiu-mangiubo drugs tu kham mira leng kakam jeng mana.
