North Odisha ga tadui naiwangbo

Ndanai gu tingriu gasujiu North Odisha ga tadui naijiu chariu bammide. Inkiu jiu Odisha districts sum (3) gahai taduinai wangbo tan bo bamdung sai Balasore, Mayurbhanj khatdi Keonjhar gaye sibo rongga Balasore gahainiu taduinai wangbo kam masa makeng thuye tiuye. Singgiuki Subarnarekha, Bramhani, Baitarani khatdi Budhabalanga dunghai tu paliu State Administration dungniu matin-matadjiu bamme pijiu tadui dinwang san makra jengniu.

Thainai nnien ding tingga tadui hai kengdiang khang ye tiudi wahina District Administration nkiu-nkin jumi makra katiu kasan, bamkhaira bobam khatdi chapiu-chaga hai kaden luja tadui nai jiu bambo gasu chamai dungtu pabam kasanglam maksai wibibo lam majang pad jiu bamme tiu dinne.