Terakarong ga Tingsangliangbou tu kamsat bo
Thainai jengtung 8 September, 2022 bonai nson palun simak mainiu aliu Liangmainah khat tu kamsat luja npuiki mungga taliang khai diakye. Pajan niu Mr Tingsangliangbou Abonmai (40), patu haisi Terakarong npui ngutrabo Potsangbam khunao, Water amusement park, Heingang Police Station, Imphal East, Manipur kasaipum khai diak ye chiuye. Pahai tuhoi ra Terakarong ga lungjiu bamme tiudi karaidao 50/60 years suang ga Aling mai pum thiujiu lungye.
Haibo news maksai tacham hai simasan siak lumak ye tiudi social media kaki-kilam khatdi WhatsApp group dung ga palam hai keng jiu din bamme. Khangsia mainiu dinbambo khangsia pahang ga rou chali khai lanne:
Pah Kasai bo hai 99% hai chamai niu dapsat bo ye tiubo lukhai ye.chalu jam ga chaki khat bam me,chaki gasu dap sat lu jiu Npui kiga jopat khai leng malum masa bam me.
Sangwanjeng mai kanglatongbi, Makhen, Ariang, Puilong, khat di Imphal valley ga kabam mai Liangmai nadung Hawang Karen bam me.
Pahai maliu makeng mak jiu , papi changam Kam bo mai ye. Aliu Liangmai jan Kam madi jiu bam bo mai khat le. Mr, pousong Abonmai alias Uringam 1st NSCN -IM, khat di Rev,pastor Wingamang Abonmai paliu Kikhun khat wang bo ye. Paliu pui piu mai 60 years suang ga Aling ga su lung mara tat lu jiu lung bam bo ye. Paliu hai karai ga Liangkhon/Lianglat di namai sita Kam mibo ye. Tuhai niu matan Karen khai jiu siwang Karen lan mi de.
Eniu Haibo lam din tao khai bo ra chageng leng din bo mak ge. Maipao Thangal village,Terakarong tuhai Manipuri mai khat di Kuki mai lulan ra palung kilam matan bam bo ye, hai jeng niu palam sisan ra din tao khai bo ye.
Aliu gu chuncham bo len khai sai paliu di pasai padon wira bo ye. Khat di Terakarong kum jiu mai kak ga lung bam mai tu pasai mai niu ken ping mira bo ye.
