Tamei HQ lung ga COVID-19 positive patsan bambo

Namraining, 4th Nov.: Namraining (Tamei) HQ ga charaaret COVID-19 jenggasu kaluang hai pawan khat ra rim-rim, Dukan dung di lepad makjiu bam mine. Ndanai Tamei PHC gasu Dr. Robin khatdi staff khat positive bammi ne khatdi test kam bowan ga kaki maidi pad san jiu bamme. Haijeng na Namraining gu WhatsApp ga kaluang tadkiura dinbambo kasia haiga jou khaiye.

From Chairman, Tamei Village Authority: Akiluang di naikhat naikhat thiu jiu nkiu khangbo bam mijeng niu maihina, SOP majai jiu tadkhaira doulo buithen kajiang patkhai makra, chabin tad khai makra, doulak jiu tadbamdi imformation pilo tadra, mahin jiu anam lad tu wajeng chakmai jiu tadkhaira makra, chamai padui padui ntou khaimakra, tadkhai makra, main bazar nsuan toumakra, doulak siak sai home delivery kamkhaira, chiang lam tuhoi tuhoi ra tadkhai makra, paliu tudi pikiu khaimakra emergency kamakbo, dukander mai thaikak gara chapot doulak siak maksai phungkhai makra, containment zone lamsu wangmai hinna home isolation kamra, test kam makjiu charuang tadpat makra, palam hajiu tiu aruang sak aruang makra, kating mai doulak siak maksai kama patkhai makra, dukan si nian 12 katang lemira doulak siakbo hasai lekhai makra, kalumai di lukhai makra, nkiu jiu lubamdi distance, mask, handsanitizer thin khaira.

Haibo lam hai maikhat niu kam makdou lakboi tiubo force tu khonmak jiu paron ron na wamaning sikhaira, chabuan mai naliu puipiu tu kung e sai kadin pikhaira, bazar ga padui padui toubo tadbo kam khai makra, Aliu mathiu khat thiu lujiu kakheng bo nai joujiu akiluang tu rankhe, khat khat tu madam jiu bammak khe tiu jiu dinjiu e.

Palam pakhiang nasi Authority, club, studentes Union, women front niu kawi kasa phuikhai sune.

You may also like...