Aliuniu ngam ne: US President Trump

Theguardian: US gadi COVID-19 hai maraa san jiu chamai keng kasaibo bammine nkiu jiu wipad sanmak jiu pabam kasia gara maraa san keng bi khangbo di bamme tiudi paliu gu president piu Donald Trump palung thiujiu chamai dung tu kachubo thiujiu aliu niu haibo ra tu ngam ne tiu din jiu bam me.

US ga hai naimachang 50,000 song keng jiu maraa san bam khaye nkiujiu state maraa makengbo gara chamai 11,000 pasan naikhat ga maraa sanbo dibam me tiudi paliugu president piu hai palung di jiu China gasu padbo charapot hai aliu niu ngam mine, wilan kam mine din jiu bamme.

Paniu dinne, mai kadilam kum jiu aliu a test kam maksai aliu maraabo chamairiak haichiubo keng keng khangbo silulak ye khatdi nkiu san lubui ye. Tiudi aliu maihina test thiu kabam jeng mana tuhoi ra nkhin kiu bimine, chamai marabo riakdi, kasaibo riak haisi di nkhin kiu mine sijeng mana maihiha social distance hai majai mawi khaira di mask-chamun ron hai khaijiu tad mariu bamra leng kachu khai ye.

You may also like...