Tribal student body tuang bandh nthek kan the

1 Star2 Stars3 Stars4 Stars5 Stars (1 votes, average: 5.00 out of 5)
Loading...

TAMENGLONG, Sept. 11: Manipur khou naimei tribal students phuam nun le minister Awangbow Newmai khatni Government khin suna minister Awangbow Newmai khatni Th Radheshyam kaniu ruina asei hei meeting lana nunamei phung guang datmei jeng rui 14 September nung tatkei nimei inter-state bandh tei tatkei mak khang nunalou kan the.

Asei hei Imphal khou Forest and Environment minister Awangbow Newmai khatni Education Minister Dr. Th Radheshyam le ATSUM, ANSAM le KSO ta pari ra kan tuange.

Sa bammei student phuam nun tuang demand guaina tei tho chulou mak bam khuan sini kalam asek tho taan tatkeilou bammei jeng rui bandh tei lagan khang nunalou kan tuange.

Tribal nun tuang demand tei kalam gei timei jeng rui asei na rui kaguaina detail suna kaphian luai ngam makkhe, 25 September 2020 nung meeting dat lana kage naimei lam nun minna kaphian dat khang ni asei latding lalou kan e.

Canara Bank Tml Branch mbang bam puni

TAMENGLONG, SEPT. 11: Tamenglong khou hei internet network hei taan taanh nu mak khe. Kum ma, mi network hei gaiku dat maksaan Canara Bank Tamenglong Branch mbang bam puni the.

Asei hei mi bank khang internet connectivity tilou bammei Airterl company rui guang nga kageh naimei kasiam lou the tiki network hei gai mak bammei jeng rui mi bank hei neywork gaidat maksaan mbang bam puni the tuna mi bank tuang Manager Dinimang Daimei rui tithai pat kan the.