Senapati ADC office ga hand grenade khaidia ye

Palun simak mai niu hand grenade Senapati ADC Office gate ga khaidia ye chiujiu dinne.
Haibo hand grenade hai District Council Colony, ADC office gate ga chariang niu maseng khaidia yeh chiujiu Senapati police dinne.

Haibo grenade hai maseng khaidia bo ngoudou mainiu police khuga report pikhaijiu Senapati police mainiu ADC Office ga wanglu hand grenade tu puak pad mak ra taliu khailan bide chiujiu dinne.

Sichiujiu chamai kakeng niu haikumbo ngamkam kamkhai bomai tu suini makbo cham wajiu dinkhai de. Information and Publicity Wing of Naga’s People’s Organisation niu haikumbo ngamkam hai disu kamakbo ngamkam meh chiujiu
paliu lung aman makjiu dinkhai de.

Nkiujiu pasai kanah ra tasen chalan demand kambo ngam kumbo hai kamlan talo chiujiu tam-tam bo organization tu dintou khailan de khatdi Law Enforcement Agencies dungtu tuhoi hand grenae ADC office gate ga khaidia bibo maitu di majatjiu phiupad lu kachabo punishment di pikhai milo chiujiu dinkhai de chiujiu tacham ga dinne