Arunachal Pradesh ga DC khangnia Ziro district headquarters ga bamra asutbo

Lower Subansiri district kubo Arunachal Pradesh ga Deputy Commissioner (DC) khatroina bamra bobam ga khangnia wang jiu asutbam mine. Sibo district headquarters jan niu Ziro kuye. Kabua bo paphibang niusai, DC kambam bopui office suty luk bambo wantu khon makjiu DC kasan wang jiu changam kamsulin ra kam kami jeng niu ye tiuye (without formal handing & taking over of charges).

District khatga DC khat roina bamra boye tiudi DC phungbam bopui Smti. Somcha Lowang niu jeng madai (4-day casual leave) leng office suty luk bambo wan ga Minister niu transferred order pad bonai macham jiu DC kasan Bamin Nime kubopiu wangjiu office ga bam kami gasu kabua mide. Haibo kabua hai political issue ye tiu jiu din bamme.

DC phungbambo pui tu kakilam tadra transferred order pad gasu suini makbo protest tadkiu bamme siroina makjiu state Chief Secretary nai Minister tu Gaon Burah Association khatdi All Yachuli Students’ Union (AYSU) niu letter pikhai mide.