Chaga Ngee 2022 changee mawilubo
Pabam kakeng kha aliu “Liangmai” nahdung kalung bo bam machang city lamdi, namlam kabam maidi Chaga hai mania mawi jiu changee khai lubo cham aliu social media ga gasu photo, video kakeng kha ngou luye.
Thaikum tingkum 2022 gara city kadi lam Delhi, Mumbai khatdi Shillong gadi program hai wijiu tadkiu lubo cham chiuye.
Nkiujiu Tening Town, Nagaland khatdi Makulongdi, Manipur ga hai tenrang kadibo state level gu thiujiu tadkiu khai mide. Nkiujiu aliu kalong lam lung bammai di pabam bam gasu wijiu Chaga changee hai wijiu tadkiu khaibo ngou ye.
Sai WhatsApp group gasu di tachun wibo khatdi pabam bamga meng jou tang khai lumai niu photo khatdi chunwibo cham pikhaibo kasia lenkhai ye:
Dr. Hunibou: Tingwang lungsiet pienniu Chagaa Ngih wijiu Changi lubo jeng niu Organising Committee khaddi haibo Ngih leng sen-lan nkhah khaimai khaddi Changi ga wang joukhaijiu padam lukhaimai mathiu tu thuonkiude. Aliu zad gu Cha’ngi zan State gu restricted Holiday list ga joukhaira mataan khaibibo Munhu. Awangbow Newmai, Minister of Water Resources, Relief & Desaster Management, Govt. of Manipur tudi thuonkiubo maduh khaiye. Tingwang niu naliu mathiu riga Thoikhaibo thiumilo.
Hollang: Leader chiubo ra criticism gu nchom (drum) kumbo-e. kawi kamdi biutung, kasa kamdi biutung.. hiasira leader khatgu khengsibo piri ga bam mine. kadiri ga leader phung bam then ra chalad kawi kasabo hai ra dinwang jiu bamne. maidi khamsi lu la ge. chiudi leader mai habam niu sai aliu haikumbo changee kadi di kamra di maningjiu rang lulakge.
Dinbam mai di wiraleng dinbamme chiujiu lukhai ye.
Chaga Ngee organize kamkhai mai committee mathiu tu dijiu thonne. Naliu tu charawang niu thoidam pikhaibo thiumilo.
9th state level chaga Ngee hai wadi kamoubo ha ye. chiudi katingmai saikam misai pasai 100th centenery celebration gara kabuak makra taliu mawi khai diaklo para thiumai dung… Nagaland nai manipur hai charaniu chalungsajiu inegration (naga solution) dou misai, manipur liangmai centenery changee tam, nagaland liangmai changee tam chiurabo jai di bamme. maning mawi lukhe.
Theme, motto… haidi kali mak raleng.. aliu makhemjiu taliu mawikhe…. next generation niu blessed festival chiubo ra wangtang makbi ye chiulanbo di sui-e. maksai chaingraik si apui ye… culture is our mother…translate kamsai,…. culture is the ideas, customs, and social behaviour of a particular people or society. wah haichiu lansai apui ra lak bamne. cow is our mother chiubo hindu mai niu dinbo kum lan mine… haira example ye.
Pasai chabon mai chariumakra aliu npiu taliu khai mawibi sai wi su ma chiujiu dinkhaibo-e.
Kenkhamliu: Makuilongdi ga Çhagaa Ngee kamkhaimibo lamga chalad kengjiu dinkiukammide plamhinaga khatkhatu kathotjiu bamkhe rangkang joumaksai changam kawi kampatsilak alad simakmaidi joubamganiu maikilad di dinjiu bamboye tiubodi makumtoukhailo
Aron Thiumai: Liangmai Chaga ngee committee Mai mathiu tu thon kiu bo Cham din khai ye, naliu tu tingwang niu kachun khai bijiu maikuilongdi liangmai nam ga khai kiu lubo de, sigasu Manipur gu chief minister niu khang lujiu chagiangpi thiu khai bosi memory kadibo thiu mibo de, sigasu Chaga ngee tu restricted holiday gu papibang suhou raleng Kam diak bosi great achievement khat le, sigasu Manipur kadi ga bambo mathiu niu di Chaga ngee tu chakhoung thiu khaibo ngou pat mide.
Pakhainang si CHAGA NGEE gu committee Mai marang khai bibo don niu de… Naliu tu thon kiu de khatdi naliu mathiu riga Arapiu thoidam doubo thiu lo… Amen
Ramsuangwi: Chaga ngee changee lu npad mara dio dio mibo ndekum siak mijiulo?
Khat kambi di khan khat kambidi khan..
Singnah Hollang lad kumjiu Jupao thiubo tiubohai Nchomme tiura kum mine..
Biu kani nimai niu Biubam bo leng ngoupad le.
Correction kam jiuma tiubidi tiumak, din bisai Leaders khat tiusai tiu lanmi..
I thiujiu ra Chaga ngee nthaikum gu thiujiu pabam khat gadi njoukhai lu makge. Tiudi maning boga manid mawi kam khai mibam rade.
Aliu guhai Teh tiu tiu magiu ting lu npad Chagan tiusaye tiujiu mara kabam kum mine.
