Tml-Halflong chaeng asaanh mak khou taanc kahouh khang karamc bam the: DC
TAMENGLONG, Oct 8: Tamenglong-Halflong chaeng hei asaanh mak khou taanc kahouh khang karamc bam the.
NHIDCL tuang Managing Director lev aseih Meeting tatkey kan khou tei mi chaeng hei December 2020 khou taanc kahouh nuh khang saa e twna Deputy Commissioner Tamenglong, Armstrong Pame IAS, rui saa e kumna mi chaeng hei luai ethei khuangh 2 lungc khou Halflong tat puni the khatni khuangh 7 lungc khou Guwahati tat tangc nuh puni twna saa e.
Mi khou tei DC rui CM N. Biren, Minister Awangbou khatni Chief Secretary, Rajesh Kumar ta thuanckumei ndauhlou kan e. Mi chaeng hei 150 km dou saengc e kumna mi hei Dk 2000 dou key puni e twna ni chamv laamei khou ndauhlou e.
Mbuna, Assam khou mi chaeng rui kahi tow nimei namv 13 rui ni Compensation khat sihni laa makna kasiamh khang nuhlou the twna saana zaihmei lungc khou mi chaeng hei luailou nuh khang meicguayna rui machuang bam khang DC rui zaenghuay kan e.
Mordecai Panmei khang State Wildlife Protection Incentive Award 2020 tii khang kadahlou kan the
TAMENGLONG, Oct 8: Wildlife Wing, Forest Department, Government of Manipur, rui laengvmei mung khou State Wildlife Protection Incentive Award 2020 mphang nimei pangc khou Mordecai Panmei, Tamenglong ta ni kadahlou kan the.
Mi tei 65th Wildlife Week Celebration 2020 lev kariang naina tatkey kan tuang e. Kumna mi tuang swan mphang khang biuc rapmei 7 kadahlou kan tuang e mi khou tei 6 thu phwam zanc khou mphang puni e tiki charay swna mphang nimei hei Mordecai rana e.
Additional Principal Chief Conservator of Forest (Wildlife) & Chief Wildlife Warden tuang chamv theilayna mi tuang swan hei 9th October 2020 nungc Main Conference Hall, Forest Head Office, Sajenthong khou tatkey nimei 65th Wildlife Week Celebration 2020 nganvloumei mung khou tiipat puni e twna saa e. Mordecai Panmei hei Rainforest Club Tamenglong tuang Director sw bam tuang e.
