Tamenglong district Class-XII pass percentage 99.72

June 7, 2022

Ndanai chawan Higher Secondary Examination (HSE) Class –XII Arts, Commerce khatdi Science pakhiang nagu result Council of Higher Secondary Education, Manipur (COHSEM) niu madu padboga aliu Tamenglong district gu thiuja 99.72 pass percentage doulu ye. Tadmibo tingkum lamdung gu result sisiak lumakha ye thiudi thaikum 2022 gu result haisiniu district gu pass percentage hai wi kathubo bam lubui ye delosai chamai 357 exam khaibo ga chamai 356 pass thiu lu mine.

Thaikum chamai 28,166 Class-XII gu exam khaiye Arts, Commerce khatdi Science pakhiang na tarong boga. Siga chamai 25,374 hai charingambo rong joulu ye tiusai Manipur ga thiuja pass percentage hai 90.09.

Langmei Higher Secondary School (LHSS), Tamei

Aliu LHSS gasu chamai riak 71 exam khaibo ga chamai riak 70 pass thiuye. Arts gasu chamai 45 khaibo ga chamai 44 pass thiuye khatdi Science gasu chamai 26 khaibo ga mathiu si pass thiu kamme.

Manipur ga thiujiu Class-XII Arts ga Khoupum maipui niu kuthu lubo

*Golmei Gaihemmei D/o Gangmei Akashini Kabuini*

Manipur gu thiujiu Class –XII gu Council of Higher Secondary Education, Manipur (COHSEM) Arts Stream ga Langthabal Khoupum maipuiniu niu kuthu luye (1st Rank ga). Pajanniu Golmei Gaihemmei D/o Gangmei Akashini Kabuini, pagu school niu Enlighten Knowledge Higher Secondary School, Sangakpham khatdi paniu doulu mark niu 459.

Ndanai chawan result padlu bosai Golmei Gaihemmei tu media mai kasia niu npou boga pagu result hai wira malum me tiudi Manipur ga thiujiu paniu topper maksai 1st rank doura leng ra malum khai lumak ye tiu dinne. Pahniu katisan B.A Manipuri literature hai DM College ga sigasu katira chiu dinne.

Papiuhai school teacher retired mine tiuye khatdi papui Rural Development and Panchayati Raj office ga Upper Division Clerk (UDC) kambam me tiuye.