Senapati Doctor mai niu protest kam bo lam
TME: Senapati District Hospital ga Matuingeehiu 8 bonai gasu houjiu Senapati District Doctors mainiu sit in protest kamjiu bam mide. Tuhoi Doctors mainiu protest kambam bosi Manipur Health Services Doctors Association (AMHSDA) niu demand kamkhai mibo lam ga paliu lung pomjiu kambam boi chiujiu dinne.
Haibo protest hai Kajannai hill districts lamsu kamhou miboi chiudin ne. Dr. Kiran Angom, District Hospital gu Pediatric specialist niu media ga chalad dinjiu tuhoi sit-inprotest kambam bohai AMHSDA’s gu demand hai kamkhai makbo donniu we chiujiu dinne.
Memorandum wajiu Manipur government khuga pikhai miboi chiujiu haibo memorandum ga doctors maigu promotion 2021, Nkhamhiu ga suikhai miboi chiudi tuhoi tangbo government niu haibo promotion tadra bosi kamkhai bimak ge chiujiu dinne. Prime Minister Modi niu medical staff maigu superannuation age hai Karamhiu, 2016 ganiu tingkum 65 katang leng kamkhai miboi sikum gap jiu Manipur gu government niu 2021, Nkhamhiu ga superannuation age hai suikhajiu tuhoi JNIMS gu doctors mai khuga tadkiu bam me chiudi tam-tam bo state’s doctors mailengra 62 years ronna pikhai ye.
Nkiujiu tuhoi transfer and posting gu lam ga dinlanjiu tuhoi pabam pakhai wimak bo maksai npui-kapha wimak bo khailam posting kamkhai mailengra posting allowances pikhai ra chiujiu tadra bosi khengsan khailan de.
