Liangmai Centenary 2023 changee rabolam kasia

Aliu Liangmai Christian thiupad lubo Changee raleng tiuja 2023 tingkum ga Centenary leng marang khaibam bonai machamjiu thainai haibo tusom leng kaden khaibo LCCC committee niu tacham kasia din madu khaibo sikhai ye.

Liangmai zad gu thiujiu Masiging Newmai, Taningjam maipiu niu jengtung 16 September (1923) bonai first Christian convert thiupad le. Pagu convert thiupadbo gasu machak lujiu jengtung 15-17 December, 2023 ga Centenary gu Changee sune. Haibo changee ga First Convert kykhun mainiu memorial stone som khaira parit lukhaine jiu Acham Newmai niu kykhun maigu malin ga din khaide. Memorial stone thengbo niu 15 ft, dibo 3 ft khatdi asiubo (thickness) niu 1 and half ft sune. Patah-panah mainiu historic thiubo gu tienduan leng chalung dijiu haibo tu som khaira parit lukhaijiu LCCC Committee malin thiujiu thuon kiubo mai mathiuna songga paopad khai ye. Kykhun mai riga ga Tingwang gu thoidam wang sanbo thiumilo.

Haibo chamhai LNBA(M) Executive Secretary Rev. Alungbo khulam su douluye.