Namraining gadi luan 74th Independence Day manikbo

Renee Newmai, SDO Tamei took the Rashtriya Salute on 74th Independence Day at Tamei on 15th August 2020
Renee Newmai, SDO Tamei took the Rashtriya Salute on 74th Independence Day at Tamei on 15th August 2020

India maina pabam katam tam lam lung bamdi thainai hai British rule gasu India khengrang thiumibo tingmik tu chakhuang thiubo khatdi maning toubo thiuja mania kam bam mibo 1947 tingkum gasu.

Sikum jiu aliu Tamei gadi loan 74th bo India Independence Day hai aliuniu chakhuang thiujiu bambo Tamei gu SDO Lapui Renee Newmai niu chagiangpi thiuja India gu pengphai jukhangbo tien hai wijiu tad kiu khai mide Tamei Sub-Division Office kajeng gasu.

Thainai gu tienkam ga aliu Liangmai Manipur ga lungbam maileng ra tingmikpui kawibo khatdi chakhuang thiubui siakbo lun ga tadkiu khaiye. Sesira loan 74th India Independence Day ga raithubo thiujiu aliu Liangmai pui thiuja Manipur Civil Service dou raithubo puiniu aliu Liangmai taninapon piulu ja wang Rashtriya Salute kam jou khai luye.

Karaidou tingkum wajiu ga aliudi maisai suijiu manik wang mide tiudi aliu Liangmai Npui mai maksai Npiu officially civil service ga dou lumai mainiu wang haibo tien hai tadkiu khai makha ye.

Peren, Tamenglong and Noney observed 74th India Independence Day

You may also like...