Unregulated ponzi scheme

1 Star2 Stars3 Stars4 Stars5 Stars (No Ratings Yet)
Loading...

Arammai dung leng tuhoi tadna bambo scam unregulated ponzi scheme (eg. AIG, AWO AMAZON, etc) gu lamga kasia dinkhaine.

Changam kammak chiu rabo lunlung maliang kadipiri hai phui mine, haibo ruangga right way of investment khatdi wrong way of investment bamme. Nangniu ₹500/600/1000 invest thiu lujiu ₹10000/100000 doura machun sai wangrabo mpui si majima moulo chiubo si masanra pageng bamme. Simak tadi rangkang dousai suide chiubo maningsai anah niu agawangbo tu achunwisad khoichiu bambo nai ncham sune.

Haibo whatsapp bidi Facebook bidi, tamtambo applications khatdi websites YouTube kumbo Facebook kumbo haisi aliu public mainiu paliugu app/website thinbo gasu khatdi advertisement companies dung khugasu rangkang douye (tamtambo jai di bamme), sinai nchamjiu ponzi schemes dungdi rangkang kasia ra sikumbo gasu douye. Example pikhaine paliu gu income generation lamga

  1. From network providers (aliu niu BSNL/JIO/AIRTEL recharge thiu bambo rangkang gasu njanpad lanbo.
  2. Advertisement companies (Facebook YouTube kumboga advertisement padbo)
  3. Selling datas

Iniu dinkhaini bora, No. 1 nai 2 ra wa kamou haye chiude No. 3 haisi fraud kadibo khatle. Downline (aliugu investment, jouraga rangkang piraibo) khatdi No. 1 &2 gasu paliu leng income dou bora padam 10% kumbo ronna ye (figure may vary) chiude aliugu data jonbo gasu paliuleng rangkang keng douboi.

Aliu gu data chiusai: Name, phone no, email, address, bank account info, etc haisiye. Kadipiri ga Multi National Companies sangsang dungleng jonjiu bambowe, siga genuine nai scam companies wajiu bamme. Simai dungniu aliugu data liu lujiu tathak thiuwanglan raboi, nagu data pakhaing bammisai nang paliu tu malumjiu koukhai mi sune, sikumbo companies dungsi maitu kalikbo khatdi sonchiujiu nchun nein changam kamme, situ scam chiu kuye. Aliu Liangmai dungdi Delhi Bombay lam lungjiu kam karenne.

Nagu data tu maja makjiu pakakhat rangkang dou kani gasu nasingna nakaphen maitu di hiam lujiu pagu pagu downline phiu karenne, pamun sibi maitu hiamsibi mai hina ra karai then rangkang di dou sune, chiude jou kanammai khatdi hiamsi kamakmai hina tu kam makap khaibo di padjiu bamme. Haisi maningmui khaisai aliugu lunlung acheng ariak ga maji makge chiujiu maningye.

Dinsan khailan boga tuhoi OLX kumbo khatdi tamtambo websites keng bamme, siga majibo keng bambo ruangga scam kammai dungdi jou karen bamboi. Mob phone ₹20000 gu ₹5000 leng maksai gari ₹10 lakh gu ₹2 lakh leng jonbo, siga nangniu alam khaisai natu transportation fee or advance or booking charge chiujiu ₹2000/3000 khengrai sune, situ nang malumjiu pikhai misai natu scam kammi bode.

Tuhoira aliu khulam rangkang kathinmai kengju mak bijiu company poipoi rammai wang karen bamboi, jat khaisai fraud/scam company dibibi khang sune. Siniu aliu mathiu mathing sijiu nchang majibo situ phiusijiu bamkhe. Dinkhai kani kumjiu rouwangtang lumak mine.
Thonkiuye.

Haibo article hai Mr. Lungphubou Abonmai, Sub Inspector, Delhi Police niu Namraining gu WhasApp group ga row khaiboye, aliu maihina siraleng pageng kabambo khatle.

Leave your comments