Manipur ga COVID-19 gu charapot

Imphal, 27 May, 2020: Manipur ga COVID-19 gu charapot maraabo chamai ataikhat (41) khangmine. Chamai samriu chania (37) maraabambo (active cases) khatdi khang madai (4) wipad mibo sai.
Thainai gu thiujiu chamai khangnia (2) joujiu Chamai khang atai khat (41) khang mine jiu official sources mainiu thainai nson madu khai ye.

Additional Health Director di government gu spokesperson thiu jiu bam bo Khoidrom Shashikanta niu madu khai bo kumjiu chamai ataija khat (41) rong ga samriu chania (37) haise active case ga bam me, khang madai haira wipad lan mi bo ye (fully recovered) jiu masan siak jiu din khai ye.

Official sources niudi maraabo chamai nkiu khang bo lam ga din khaijiu ndanlam su wang lan ramai tu manang makra khadi mathing sira din katin khaiye.

You may also like...