Bangaluru gasu chamai 1,477 Dimapur wang sanbo

Dimapur, June 5: Bengaluru lamsu thainai chamai 1,477 Dimapur gu ga wang tang bam me, paliu hai government niu macha khaibo train gasu wang bo ye. Dimapur train station wang tang bosai paliu gu respective districts lam lang khai mine.

DIPR gu report sai suijiu chamai 1,477 ndan lamsu wang bo ga chamai 544 hai tura Agri Expo registration, screening khatdi triaging leng medical team niu majang jiu paliu gu sangjaribo (quarantine) centres leng macha khai mide.

Masiak bam bo maidung districts 10, Tuensang gasu chamai 82, Mon gasu 211, Longleng gasu 60, Khiphire gasu 56, Phek gasu 54, Zunheboto gasu 166, Mokokchung gasu 55, wokha gasu 61,Peren gasu chamai 102 khatdi Kohima gasu 86 thiujiu wangbo ga Medical Department niu train station gasu medical screening thiu lujiu paliu gu respective districts lam paliu niu tiurabo katiu kasak pikhai jiu lang khai mi bo ye

Guwahati, 5 June: Assam ga COVID-19 charapot maraamibo gu pariak 2,153 nkiu khang mine.

Assam ga thainaimen gu COVID-19 gu charapot ga maraamibo naikhat naikhat thiu jiu pariak nkiu san khang jiu bam me. 

Naikhat naimik pui gu thiujiu, thanai maraa mibo pariak sai 285, niu keng thu bo thiu ye jiu State health department niu dinne.

Assam ga COVID-19 charapot positive confirmed cases hai chamai 2,153 khang tang mibo ye. Chamai 1,687 haira active cases ga bam me chiudi chamai 459 sira wi lan mibo cases ga bam me.

You may also like...

Leave your comments