Quarantine updates & guides

Tuhoi kadi-piri ga chararet katanbo (Pandemic) wangjiu bambo “Coronavirus” haitu COVID-19 tiujiu di kuye. (CO-Corona, VI-Virus, D-Deadly. -19 niu 2019 gasu pat houye) siniu Covid-19 tiujiu di kuye.

Haibo rapot hai tuhoi tangbo mara mi maitu taliu ra chapiu (medicine) hai taliu pat makha ye. Khatdi, haibo Covid-19 rapot hai chamai khu gasu lin malabo, parik (viruse) haidi jeng 14 (14-days) kumbo ring jiu bam ngambo, chararet katanbo khatye. Siniu aliu haibo rapot hai aliukhu tou makra, maksai aliu ram aliudi lam wangtang makra jengniu kaden sirabo khatdi majai rabo (preventive measures) Pahang ga leng khai ye:

1. Namik, naniu khatdi namun si doulu bui then naben nia makra kamlo.

2. Jou (alcohol based) gu sruk joubo sabon (soap & handwash) niu chaben hai ntik tantan jiu bamlo.
3. Ntou maduibo, tad maduibo thak hai kam mak raye. Khat khat khu gasu 1-metre (3 feet distance) kumbo pakak pitan tan bamlo.
4. Makhiubo maksai tasiibo (cough & sneezing) ting ga tissue kumbo maksai handcarchief khoi lu namun domlo, sigasu, pakhai kachabo bam ga taliang khailo.
5. Chamun dombo (mask) hai kajiang tadpat sai thinlo. Sigasu, chamun dombo masong ga chaben hai ntik mawi rai milo.
6. Chamun dom kinbo wan ga nagu mask hai naben nia makra kamlo. Khatdi, mask hai luk pat lan rabo song ga chaben hai ntik lujiu luk patlo.
7. Chamun dombo (mask) hai naleng size chagap tiubo thinlo. Khatdi lukpat boting nasai lam (naduk lam) suniu luk patlo.
8. Dou lubui thenra nagu mask haidi kasanbo kali ra kamlo.
9. Chapum hai taliu mawi raye, sisi ra; Tadui sak makengbo, ji mawibo, exercise kambo, haisi taliu bam raye.
10. Pajai sonmai, para thiujiu katingmai khatdi nahju mai kajiang/lenlam papang mariu ju mak raye.

Dr. N. Namridinbou niu Covid-19 lamga sikhaibo
Tuhoi padbambo Coronavirus lamga aliu simak kasabo kasia sisan lura Liangmai Global Admin group gasu kam khai bamme. Haibo Video gasu naleng sisanbo doulu buiye.

Kinsan khai kasuibo dung:

  1. Aliu haibo rapot mara makra nde nde kam ralo (Dos & Don’t)?
  2. Palam kaphet mawibo: Covid-19 hai chamai na bensiam (human engineer) jiu mah?
  3. Covid-19 parik hai detheng ringkhai raloh? Di detiu khat-khat khu lenboloh?

You may also like...

Leave your comments