Sincere appeal from Witamsinbou Alex Nkhapuinamai

1 Star2 Stars3 Stars4 Stars5 Stars (No Ratings Yet)
Loading...

Chakilam bam bo Pui/Piu mai leng champou
Coronavirus lamga aliu chalad chalui kakeng nchiu bam mi de.

1. Nang liu na mai ndan lam lung jiu town/cities ga kabam mai tu chaki lam wang ra ku ta mi lo.
2. Tuhoi won ga chabin tadbo/travel kam bo si ningting bo makum ta mi bo ye.
3. Nam pui/piu Village mai khuga di din tou khai ni bo ra chalung sa jiu ndanlam lung tad bam mai tu village ga wang ra ultimatum/dateline pibo thak ra mai di kam khai mi du lo.
4. Train/flight ga chabin tad bo si niu Coronavirus gu chara lin bo/spread thiu majat kachang jiu pad bam me.
5. Ndan lam kalung mai niu naam hina ga Haibo COVID19 si hung wang ra bo ye, si niu aliu Pui/piu mai tu din masan khai lan ye.
6. Ndan lam gu chabin thiu wang mai waga ja Coronavirus phung wang sai , Village ga Hospital/chapiu chaga akhi ra bam lu ne chiu jiu maning jiu , kalong lam wang ra kubam jiu mah? Maksai khang khat naamga mara pad mi sai/ naam hina mara mira bo bam me siniu maning mawi khai khe.
7. Town/city ga bam jiu mara pad nang tadi Hospital/treatment si majatbo wonga taliu luk ne, hai si aliu mangai mak ra ye.
8. Ndan lam kabam mai leng kakheng thiu khaibo nai Manang mak ra kachu khai bo tu masin ye.

CITY/TOWN ga lungbam mai

1. WHO khatdi Government niu pibam bo jai si majai siak lu ra matan lo.
2. Chaki ga bam mi lo, ndan lam ra dou lak siak bo wonga su tad pad lo.
3. Social gathering/visiting friends/ hai si mathak mi lo.
4. Fellowship/church/elders mai tu alam jiu bam lo.
5. Chalad chalui padbo wonga nping mi mak jiu khatdi marou mi mak jiu Katingmai/Leaders mai khu ga sikhai lo.
6. Katiu/kasak/tasen chalan di hasiak mi bo wonga ra mangam marou mak jiu Fellowship/elders/students union/Ruangdi mai khuga si khai lo, mathiu aruang lujiu khat khat tu nkha ra leng bam me.
7. Chalad/chalui si phone, message gasu alam jiu bam lo.
8. Tingwang khuga kakheng thiubo jou jiu bam lo, Biblr study kam ja maksai fast & pray di tad kiu khai lo.
9. Maring jiu/Marak jiu bam khai ra bo won ye siniu, aliu lunglung kasabo hina di phud jiu Atu aron na matin si jiu bam ra din san khai ye.

Mathiu tu tingwang niu majang bambo thiu lo.

Regards
Witamsinbou Alex Nkhapuinamai
Pastor,Church of God: Delhi