Kating mainiu thinbam niubo mikhotpiu bang

Haibo bang situ aliu nam kakeng khaniu mikhotpiu bang tiujiu siye tiudi nam khangsia niu ra makhaopiu maksai chiripang/khutpiubang tiujiu kutam rib-rib jiu bam niubo bang khatle.

Haisi aliu pao-pe mainiu aliu Khristian kamsulin makha ga Indigenous Cigarette maksai local cigarette thiuja thinlung bo bang khatle. Paniu haisi kam makelu ja mah(mante) kuang niu majiu luja ntup bam niuye. Kongshai (Kuki) mai khangsia maira haisi Khaini (Golden) leng paniu karingbo si mangbut ga nphum khai lujiu di moam bam niuye.

Haibo bang haisi kating mainiu medicinal plants khat thiuja di thin bamniu ye. Haibo niu haisi chakhou (domestic animal) maksai chamai parit pakhou thiu mibo tu di kam sat ye khatdi tajan gadi paniu karingbo si tai khaibam niu we.

Haisi thainai aliu Liangmai group whatsapp mai khangkhat niu langkhang jiu haibo lam dinbambo ngou jiu aliu pao-pe mainiu thinpiu bam niubo aliu sikhaibo wiye tiujiu haiga di khailan khaiye.