Tamenglong khou National Deworming Day tatkey kan the
Kwm 2021 tuang swna Tamenglong District khou National Deworming Day kahouhloumei mung Mini Secretariat, Farmlane Colony, Tamenglong khou tatkey kan the. Mini Secretariat khou naimei DC Conference Hall khou District Level Launching program tatkey kan khou tei DC Tamenglong, Armstrong Pame IAS, rui lanclou kan e. 
Mi tuang National Deworming Day hei 19th April khou rui 28th April nganv tatkey puni e. Child health division, District health society, Tamenglong rui laengvmei mung tatkey kan khou tei CMO Tamenglong, Dr Chambo Gonmei, ADM Kajaigai Gangmei, SDO Tamenglong Mahesh Hiralal Chaudhari, SDO Tousem Paul Nangsha, ZEO Tamenglong Dimonang Pamei khatni Medical Officers, DPMU Tamenglong, ICDS tuang Supervisor nunc lev ASHA nunc ni kazauhlou kan e.
Aseih tinpu tiipatmei mung tatkey kanmei tei tin rui kadai swna alauc nunc pumc sw kasih bammei ta tii nthaekhlou khang kumna tin rui tiipat nuhmei ravpuat nunc ta swluailou khang tatkey kan tuang e. Mi tuang taanv hei kadai swna alauc tingkwm 1-19 lungc khou bammei nunc ta mincna zauc e.
Tat kanmei ganv khou mi tinpu hei School nunc khou tiipat bam tuang e tiki ntaw school mbangh bam tiimei zaeng rui mi tinpu nunc hei ANMs, AWWs, & ASHAs nunc rui kai tat tangcna tiilou puni the twna Health Department tuang chamv rui sa e.
Kumna n ta w Ta m e n g lo n g k h o u n a im e i Bl oc k k a t h u m h – Tamenglong, Tam ei lev Tousem, khou hei alauc 30, 177 nganv khou tiitangclou khang karamc bam e twna sa e.
