Gaanphiu News Network Tamenglong, Feb 24: Aseih Tamenglong DC, Armstrong Pame IAS, ta kazauhna District khou 92 ta COVID-19 kaeplou kan the.

Reymei dose swna aseih Tamenglong District Hospital khou kaeplou kan khou tei Superintendent of Police, Tamenglong, Sandip Mohurle IPS lev Josiah Pamei, SDPO Tamenglong ni kazauh kan e.

CMO Tamenglong, Dr. Chambo Gonmei, rui saamei theilayna aseih Tamenglong District Hospital khou swna mansei 60 khou COVID19 pu kaeplou kan e kumna Oinamlong khou rui 32 khou kaeplou kan e.

Ntaw hei Tamenglong tuang swna COVID-19 khou rui gay datmei rate 99.5% tangc bam the. Health Department tuang chamv theilayna district khou rui aseih Sample 82 test sw kan e tiki COVID19 khatna sihni mphang kan makkhe.

Kumna ntaw District khou COVID-19 naimei sing 1476 khou rui ding bam e, mi lungc khou tei 7 thu theic kan the tiki ntaw 1 ta ravzauh bam e twna kan saa e.

March 2021 tuang reymei neidak khou DC Office

Mini Secretariat thangc kalaic key puni the

Gaanphiu News Network

Tamenglong, Feb 24: Tamenglong Mini Secretariat khou kac chamdaanvlou tangc kanmei District Level Officers kaguayna March 2021 tuang reymei neidak khou Mini Secretariat thangc key bam khang DC Tamenglong, Armstrong Pame IAS, rui saa kan the.

DC Tamenglong rui tiipatmei order khou tei tat kanmei 29th January nungc Manipur CM khou saaloumei theilayna DLO nunc rui Head Office lev kariuna milam khou taanv tatkey khang saa kan e.

Mbuna Department azuh tuang Administrative Secretaries nunc lev Chief Secretary, Govt of Manipur, kazauhna 23rd February 2021 nungc Review Meeting tatkey kan khou tei ni March 2021 tuang reymei neidak khou Office kalaic key puni the twna ndauhlou kan tuang e.

Heizaeng rui DLO nunc kathiak nchumhna Office nunc hei kalaic key khang kage nai the, mi khou hei twan lyamna bammei nai ethei higher authority nunc rui taanv sw khang tiiku puni the twna Order tei rui saa kan e.