Gaanphiu News Network

Tamenglong, March 18: Zaeng neihnei tatkey kanmei Gender Equality & Democratic Leadership tuang Training Workshop nganvlou kan the. Mi mung tei Henry Martin Institute, Hyderabad rui nkhavloumei bangc khou Indigenous Women and Children Foundation (IWCF) lev Zeliangrong Baptist Churches Council North East India (ZBCCNEI) rui laengvlou kan tuang e.

Kumna Dr Achan Mungleng rui Trainer swlou kan e. Mi Training Workshop tuang reymei tingmik swna 17th March nungc tatkey kan khou tei Gender, ntumei khatni ngaanvmei khaklanghmei lam khou nchamlou kan e.

Mi khou tei ntumei khatni n-gaanvmei rui tabui thouc taanc nina twmei lam khou dinclou kan e. Kumna tabui zaeng rui ntumei khatni n-gaanvmei ta nchamhna laa nina cho twmei ni dinclou kan e. Kanei tingmik swna 18th March nungc tatkey kan khou tei Democratic Leadership twmei lam khou tatkey kan e.

Democratic Leadership tuang gaymei lam raclouna Leader akhat rui taanc nimei thouc dinclou kan e. Mi khou tei Community gaymei akhat rui tabui thiak sw puni bo twmei lam ni raclou kan e.

44 AR rui Yoga Camp laengvlou kan the

Tamenglong, March 18: Central Government tuang New India, Fit India Mission ta tiidaicloumei swna EK BHARAT SHRESHTHA BHARAT bangc khou 44 Assam Rifles, Tamenglong Battalion rui Yoga Camp laengvlou kan the.

Mi tei 22 Sector AR/IGAR (E) bangc khou laengvlou kan tuang e. Mi mung khou tei local mei nunc khang Battalion HQ khatni Dikhuram lev Azuiram khou naimei outpost khou Yoga lam dinclou kan e. Kumna mi mung guang kazauh kanmei nunc tei rui ni Yoga tuang oza nunc lev Yoga palup nchamhlou kan e.

Aseih tatkey kanmei mung khou tei Officiating Commandant rui ntaw COVID-19 nai bammei rui pumtan patna taanhmei taanv hei rau key the, kum sihni meicpum hei gay bam khang tingmik khou khuangh akhat thu pumtan patmei taanv taanc nina de twna ndauhlou kan e.

Mi khou tei Yoga oza rui Yoga sw nimei thiak nunc nchamlouna tuzangv nimei lam khou ni dinclou kan e. Yoga hei meiclungning khatni meicpumc khou zaengthaekmei tiilou khang rui sw bam tuang e. Yoga twmei latkaeng hei Sankrit khou rui laapatmei lat e kumna mi lat kaba hei tii kariuloumei tw tuang e twna saa e.

Yoga sw ethei meicpum khatni lungning khou nchuzaenghmei tiilou e, mi hei rui pumh tiigayloumei na ramh makna lungning ni tii zaeng nthaeklou e twna saa kan e.