Nagaland ga chamai 3 Corona virus maraamibo

Kohima 25th May (EMN): Thainai nsuan niu Nagaland state gadi raithubo thiuju COVID -19 positive case khangsum bammide. Paliuhai Chennai lamniu government niu Kaden khaibo train (Sharamik Express) ganiu wangbo ye.

Press conference ga Nagaland gu Principal Secretary, Menukhol John niu dinye chiubora thainai May 25 nai nson gu Biosafety-3 (BSL-3) laboratory Kohima gu report sai suijiu npiumai (Male) 2 khatdi npuimai 1 haisi COVID-19 positve mide. Paliu khangsum (3) ruangga khangnia(2) ra COVID-19 gu symptoms haye chiudi khangkhatra COVID-19 mara bogu symptoms bamme chiujiu Nagaland Health Department niu din masan khaiye.

Nagaland gu Chief Minister Neiphiu Rio khatdi Health khatdi Family welfare minister S Pangnyu niudi public maidungtu paliulung chariu makjiu bamraleng din katin khai bo champou di social media ga din madu padkhai mide.