Tamenglong total lockdown

Tamenglong district headquarter hai danai pawan pakak khat lepad khaijiu total lockdown kham bammi ne. Haisi tuhoi padbam bo charapot pijiu aliu district lungga nkiu san khang mimak raleng jengniu order hai district magistrate lamsu padjiu tad kiu bambo ye.

Katiu kasak dukan suisai inson 6am gasu 10am lungki tadsuira tiukhai boye tiudi sibo pawan lepadbo gasu risk thiu diang lusuibo bam jengniu sibowa haisidi lepad makjiu “total lockdown” tiujiu wadi pawan pimak tadkiu miraye tiujiu dinbam mine. Tiudi chapiu-pharmacies haira public maijeng niu lekhaira ye.

Haisi district administration khulam chamtan pikhaibo ye maihina leng wilura jengniu. Nkiujiu gari-transport tam-tambo di district ga tadmariu suimak ye chapiu ki tadbo, wangbo makjiu kakibo gari, chamai di tad mariu makra tiuja order pad mine.