Pabam katam tam lam lockdown kam san bo

Peren/ Jiribam, 4 July: Haibo COVID-19 jengmana kadi pabam hinaga chariu jiu bammine khatdi aliu kadi gadi chamai naikhat khat thiu ja maraa san khang jiu bam kami jeng mana district katam tam lam di lockdown hai lekhai, kham lan khai jiu kali bam me.

Peren district lockdown July 11, 2020 katang bam mine

Peren district ga ndaanai date 6 July katang lockdown kamra dinkhai bohai date 11 July katang kam wang mira tiujiu Peren Deputy commissioner (DC), Sentiwapang Aier khulam su tacham pad mine. Haiga pathak kasabo maksai containment zone kasia bam kami jeng mana chamai quarantine loi jiu paki wang boga kasia maraa mimai bam gasu haisi phui masan raleng kham khai san ne.

Containment zone
Mhaikam village, Tenning Town khatdi Dobashi colony, Jalukie Town haiga bambo namdung gasu chamai kasia tu home quarantine kamjiu positive case bam kami jengniu community spread thiu pad makra administrative officer/ sub-divisional task force dung tu ache-phui mawi raleng malum khai jiu total lockdown extend thiu sanlan jiu bam mine district pakhiang na.

Jiribam complete lockdown 5th July midnight to 15th July 2020

Chamri mai maksai VDF chamai 28 COVID-19 positive bam kamijeng mana Jiribam haidi complete lockdown bam mine July 5 chunding gasu 15 July 2020 katang gara maitu di district katam lamsu ngutbo khatdi tadpad makra tiujiu din bam mine. Hairon na makjiu district ga kabam maihina mass testing hai lockdown ting tadkiu raleng thiujiu kaden bam mine.

You may also like...

Leave your comments