Delhi Airport ga takou wangmak ratu kadenbo

New Delhi, June 27 (IANS): National capital gabam bo Indira Gandhi International Airport mungga takoudung kasia ngou gasu pijiu airport gara wang makra leng kadenjiu bammi ne.

National highway nai national capital npui mungga daanaih 11:00am ting takoudung kasia tu ngou gasu airport lung wangra tu manang jiu kaden bammine. Tuhoi tangbora wadi kabuabo hajiu kalinbung wijiu tad mariu bamme. Tiudi takoudung hai airport lung wang misai fly dung tad kung mine siniu kaden jiu bam mine.

Takoudung hai tingkai saisui jiu lemtad kinjiu wadi din silulak ye maksai wadi manang son makye tiudi wagaja airport lungga wangnang saitiu jiu kadenbo ye.

Tadmibo May hiuga Directorate General of Civil Aviation (DGCA) niu safety guidelines hai pimiboi takoudung hai wangnang sai mari raleng. Nkiujiu Pilot maitu di takou ngou nangsai authority tu din khaira khatdi detiujiu takoutu mali-kalenbung gasu khoi thonraloh tiubo din katin san khai mine.