Air India flight crashed thiu mibo

Daanai chawan Air India accident Kerala’s Kozhikode airport gapadbo lam maihina simibam sune. Chiudi Lianglad gasu dun jiu kasia sikhai lan ye.

COVID-19 jengna kadipiri ga lungmai hina paki-param jon tad jiu bam boye aliu Liangmaina dung ron namak jiu. Sikumjiu Dubai (United Arab Emirates -UAE) galung bam maitu majang wang raleng India mainiu “Vande Bharat Mission” tiuja langkhaibo fly hai chamai 190 tu phung lujiu wang mathakrabo khaigasu tingsa matan sabambo ga flight haidi landing gear changam kam mak jiu kadiga kham lulakmi mathakbo bam maju wang jannia tap padjiu paliu chamai 17 saimine siga Pilot kania di sai khai mide.

Captain Deepak Sathe khatdi pakhinpui
Pahang gasai papui panai papiu tuhoi ring bam khabo nchung bambo meng

Captain Deepak hai tingkum 36 flying experience bammibo mai khatle khatdi pahai Indian Air Force ga tingkum 21 kamkhai lujiu Air India ga wangjiu commercial pilot leng joubo maiye. Pahai Indian Air Force ga bambo lundi accident padjiu chahiu charuk dou treatment tad wang jiu bam khai mibo maiye. Pahai huye, maitu lungsasibo mai khatdi arik di wibo maiye chiuye. Thainai 8th August bonai hai papui gu 80th birthday tingmik ye sega pa papui tu maning makbo chunwat (surprise) pira suisai wang adou raleng rang bam me chiujiu din ne tiudi paring ting hamibo ladniu adou khai mine.

Deepak piu haidi retired colonel ye, pachi katingbo (Deepak elder bro) di lieutenant ye tiuye di padi karingting tadrai mine. Pahai pana khangnia bam me kating piura Bengaluru gasu hawang ne tiudi nabopiu sera USA ga bammijiu hawang lulakde.

Pariga bambo siniu co-pilot Akhilesh Kumar ye. Pahai Air India ga 2017 kum niu wang jou ye khatdi panou thiu bo tingkum nia ron nakha bo mai ye khatdi pana raithubo tu agun bambo piu khatle. Nkiujiu panou hai watheng makbo lung ga ngeena lung mi rabo wang mine chiu ye.

You may also like...